Ливерпул е на добар пат да се пласира во четврт-финалето од Лигата на шампионите. Синоќа во тежок и неизвесен натпревар падна "Кралскиот клуб" и тоа на Сантјаго Бернабеу.Двата тренери Рамос и Бенитез стартуваа со најсилниот расположив состав. Иако се најавуваше дека капитенот на Ливерпул, Стивен Џерард ќе го започне мечот сепак се најде на клупата за резерви бидејки не беше доволно залечена повредата. На неговото место Бенитез се реши да го вметне Израелецот Јоси Бенајун што на крајот се покажа како одлична опција.
Како што и многумина очекуваа мечот започна со доминација на домаќините кои имаа контрола на топката и играта во првите 15.минути. Во тие моменти Реал ја имаше најзрелата шанса за гол кога Раул се најде во шеснаесетникот на Ливерпул биеше од свртување, но неговиот удар беше преслаб да се загрози Реина.
Во 20.минута одличен продор на Торес кон голот на Реал, бише со десната нога откосо но Касиљас одлично брани и исфрла во корнер. Во 45.минута ја бележиме најсериозната шанса на Ливерпул. Чаби Алонсо одзема една топка и од својата половина упати незгоден лоб удар но голманот на Реал со крајни напорни ја исфрла топката во нов корнер.
Второто полувреме иста слика. Жестока борба и неколку одлични шанси на двете страни. На 10.минути пред крајот шок за "Кралскиот клуб". Фабио Аурелио изведе слободен удар, Бенајун непречен од никого со глава го совладува Касиљас за водство од 1:0.
До крајот Ливерпул умешно го чуваше резултатот и со голема предност ќе го нагости големиот Реал во реваншот закажан за 10.март.
